惠陽大亞灣周六遊記

勞碌數周，疲勞困身，我決意到海邊住上一晚，為自己充電加油。下午我同boss請好半日假，同Garry 先到霞湧，浪費了3個鐘，返回達澳頭碼頭一間酒樓，人齊後我們大砌一餐海鮮。我對蠔仔煎蛋，薑葱炒花甲，石狗公滾豆腐湯留有深刻印象，人均消費￥40。

是日晚黑留宿當地一家3星級酒店，次日朝早跟船到大六甲 島。今次出行時機不妥，烈日炎炎下的大六甲海邊無風無浪，海灘上蒸起重重熱浪，同行多位靚女中暑後躲入公寓足不出戶。Wilson，Andy，大胃仔同我開台打牌，就咁虛度了一個上晝。我絕得好奇怪，Tommy可以一個人係樹底坐足一個朝早。

到了5點幾，見天陰多雲，一行人叫上屋內的女仔齊齊落海玩水，當女伴們換上水著，我方知到Sabrina好身材！只恨自己水性差，我只能在海中淺水處行行企企，遠遠往住她游在防鯊網邊。

個大頭仔想去撈起水中的膠袋，俾Garry喝住，原來那是一具Jelly Fish，看來大甲島的水質真係唔錯！

大六甲遊客多為ABS，隨處都是廣府話、普通話。那些胸前偉大的女客，一看就是深圳同城（此處無圖）。

一日時間雖然安排遊玩節目少，不過周一我返到office後，不再頭暈乏力，變到龍精虎猛。